هو

گون چیخیب هله من یاتمیشام

اویخودا گؤرورم ،

قارانلیق دیر

قارانلیق

اویخودان آییلسام

گؤره جم کی

قارانلیق بیر یوخودور.

خئسم دلیلیق ائدیر

دالغالاری ائو ییخان ،

وولقان لاری اورک سیخان

اؤ چاغ کی،

تؤققوشمانی اودور

یؤللار چکیر بیر آندا

و آیریر بو یؤللاریلا

سئوینجیلیک لری،

سئوگیلیک لری،

مندن.

دیلیمین آلتیندا دئیردیم

داشلار بیر بیرینین اوستونه دوشوردولر

گوللر دئیر دیلر

آتیشقادان آسیلان اؤرتوک لر

اوستونده اؤتدوغوم قالی

بالینج لار

قاب قاجاق یووآن آنام

یاتان آتام

اؤتوز اوچونجو داش قورتولدو

گؤزومو آچدیم

هاممیسی باخیردی منه

اوتاندیقیمدان

یئنی دن باشلادیم :

سبحان الله  

ساوجی لار ساواشیردیلار

بیری دئیردی:

ـ منیم تانریم یاخچی دور

اؤبیریسی دئیردی :

ـمنیم کی

ساوجی لار باشلاری قاریشمیشدی اؤزلرینه

بیردن بیر سس قؤپدو :

- آی هارای

ـ آی دادا یئتیشین

ـ تانرینی ائشیکده بؤغورلار

ـ هارای

ـ ای وای گلین

سوکوت هر یئری چولغالادی

ساوجی لار بیر بیرنین اوزونه باخیردیلار

های سالان گؤزلری چیخمیشدی تپه سینه

های سالیردی

اؤیخودان دوردوم اؤز سسیمه

بیر حالدا کی

کؤنلومه یاپیشان دؤداقلاریم

یاواشجادان دئیردیلر :

ـ تان

ـ ری

ـ نی

ـ بؤ

ـ غور

ـ لار